|
Semua sepil
jaku Iban ti dikena dalam semua karang kami sekalika nya ba majalah PEGARI
tauka SENAWAH nya endang digaga enggau naka ulih bepelasarka sepil jaku Iban
ti baru iya nya sepil jaku Iban ti dikena ba sekula diatu enggau ngambi
berat senentang prinsip linguistik (linguistic principles), ngembuan
pengamat / chuan kediri (authenticity), ngembuan penyedang (simplicity), ngembuan pengelentur
(flexibility) sereta ngembuan
pemudah dikena ti tinggi
(practicality).
Urup
‘o’ dikena ba
patah sebut tebuka baikka nya ba mua tauka belakang patah
sebut. Ambika banding, orang, opis, chunto, kukgo, radio.
Semua munyi
‘o’ ba patah sebut betutup diberi sebaka, diubah ngagai munyi ‘u’ ketegal ti
bepelasarka pemudah dikena tinggi (practicality). Nambahka nya,
‘o’ enggau ‘u’ dalam jaku Iban endang ‘free morphophonemic
alternation’, ambika banding, mua, raung, jauh, rasung, nibung.
Taja baka nya, ba jaku injau, urup ‘o’ tetap dikena enda milih ari
mua, tengah tauka belakang patah sebut leka jaku.
Urup vokal berimbai
tiga. (aia, aio, iau, uai). Sepil ti ngena, ambika banding, semaya, maya, mayas, mayang. Biau, diau, engkiau, mayuh, buai, tuai, beguai.
Sepil ti salah, ambika banding,
semaia, maias, maia, maioh. Sepil tu
bepelasarka prinsip, ngembuan pemudah dikena ti tinggi
(practicality).
Urup konsonan. Ba tu
sepil jaku Iban bepelasarka prinsip ti dikumbai
ngembuan pengelentur
(flexibility). Siti ari konsonan nya iya nya lambang sekat glotal (
’
).
Lambang sekat glotal nya enda dikena ba sepil jaku Iban laban tanda nya
ulih jangka dalam GENTERAN jaku.
(transparent symbol). Taja pia, afostrofi dikena lebuh ngajar jalai
nyebut leka jaku Iban enggau ba diksionari. Ambika banding, sepil ke betul enggau
salah iya nya;
|
BETUL |
SALAH |
|
BETUL |
SALAH |
|
|
aya |
aya’, ayak |
|
jaku |
jako, jako’, jaku’, jakuk |
|
|
aki |
aki’, akik, akek
|
|
menyadi |
menyadi’, menyadik |
|
|
badu |
badu’, bado, bado’, baduk |
|
meda |
meda’, medak |
|
|
enda |
enda’, endak |
|
pala |
pala’, palak
|
|
|
ibu |
ibu’, ibuk |
|
palu |
palo, palo’, paluk |
|
|
ni |
ini’, inek |
|
renga |
renga’, rengak |
|
| |
|
|
|
|
|
|
enggau mayuh agi ke bukai |
Urup Roman asal enda
chukup dikena nanda semua konsonan dalam jaku Iban. Nya alai sekeda urup
konsonan mesti diperimbaika dikena ngaga munyi konsonan Iban, ambika banding
iya nya konsonan turu, ch, ng enggau ny.
Urup konsonan ti
ditagaka dikena nyepil jaku injau iya nya f,
c, q, v, x, z.
Urup semivokal tauka
konsonan lembut w
enggau y
dikena nyadi konsonan rama dalam jaku
Iban.
|
ISU LEKA JAKU KA, KE |
|
Leka jaku
‘ka’ ba tiap genteran jaku, enda ditulis
kediri kelimpah ari ti mai reti ‘deka’.
Leka jaku penambah ‘ka’
dikena betampung enggau jaku asal, ambika banding, ambika,
dikemesaika, mutarka, melitka, enggaika, baikka, dikesayauka.
Taja pia, leka jaku
‘ka’
ti mai reti ke sebaka enggau di atas nya ditulis kediri (enda
betampung),
nitihka munyi ti lebih engkeman,
tang ditukar nyadi ‘ke’. Ambika
banding, ambi ke, dikemesai ke, mutar ke, melit ke sirat, enggai ke
nuan, baik ke, dikesayau ke. Leka jaku ‘ke’ ti sebaka reti
enggau ‘ti’ MESTI ditulis kediri (Enda dipejantilka). Pia mega
senentang leka jaku ‘ke’ ti nunjukka tempat, utai enggau mensia.
Ambika banding,
ke Sibu, ke ili, ke baruh, ke kanan, ke atas, diberi ke
nuan, ke iya, ke aku, sayau ke iya
|
|
JAKU PENEMPAT |
|
Jaku penempat baka ba, aba, di, dalam, ari, ke, ngagai,
ngusung, dampih, damping, semak, ngimbai, apak, ngah, pam, semak ditulis
kediri. (enda bejantil). Ambika banding, di rumah, di tanah, aba pasar,
dampih jalai etb. |
|
JAKU PENAMBAH |
|
Jaku penambah ‘di’ ti ukai nunjukka tempat ditulis betampung. Ambika
banding, disipak, ditelan, diserungkai, dikebuk, dibunuh, diberap,
dipijai, ditinggang etb. |
|
JAKU PUNTANG ENGGAU JAKU BETANDU |
|
Jaku puntang enggau jaku betandu bela tau dikena lalu patut dikira betul
dalam tusun jaku Iban, enda milih ba genteran dialog tauka penerang.
Jaku tu mayuh agi dikena dalam dialog lalu ditulis nitihka sebut. Ambika
banding, |
|
JAKU BEKALING SEBUT |
|
Jaku bekaling sebut ditulis betakah lalu nadai mega ngena tanda sekang
(-). Ambika banding, sakit lengit, chelap embap, butang betumbang,
ikan gemian, singkung belung, periuk genuk, petang keleti, chelum
gelintum, mansau chechinang, burak bebetau, kelia menya, kekelut
kundang, penat katat |
|
JAKU BEKALING SEBUT |
|
|
engkita |
enggi kita |
|
chamang-chamang
|
chechamang |
|
|
sida |
sa (sida apai – sa apai) |
|
kebut-kebut
|
kekebut |
|
|
kami duai
|
kendua, kenduai |
|
|
|
|
|
kilai-kilai |
kekilai |
|
|
|
|
|
ingai-lingai |
lelingai |
|
|
|
|
|
besai-besai
|
bebesai |
|
|
|
|
|
gilik-gilik |
gegilik |
|
|
|
|
|
enggau mayuh agi ke bukai |
|
TANDA SEKANG |
|
Semina dikena ba jaku betandu, ambika banding,
regap-regap, jengap-jengap, kasak-kasak, mesi-mesi, kadang-kadang,
besai-besai, bajik-bajik. Jaku tu mega tau ditulis nitihka jaku
puntang enggau jaku betandu, ambika banding, reregap, jejengap, kekasak, memesi, kekadang, bebesai, bebajik. |
|
JAKU INJAU |
|
Jaku injau iya nya leka jaku bansa bukai ti diterima dikena nerangka
reti mayuh macham pekara baru. Pekara tu mega dikena ba semua pemansang
tauka kerembai jaku bansa bukai di dunya lalu iya tau mega dikumbai
singkang dinamik ba pengerembai jaku Iban. |
|
Jaku ti diinjau ari jaku Bahasa Melayu nya digaga nitihka Sistem Ejaan
Rumi Bahasa Malaysia ti ditetapka Dewan Bahasa Dan Pustaka. Ambika
banding, asrama, borang, nilai, seni, pegawai enggau pejabat. |
PEGARI IBAN
PRODUCTION mega
ngasaika jaku ti diinjau ari jaku English enggau jaku Europe tau disepil
enggau mayuh chara (ukai semina siti sepil)
nitihka sebut dilah Iban
enti iya udah
CHUKUP ENGKEMAN LALU
DITEMU RETI MAJORITI
PEMACHA. Taja
baka nya, sekeda sepil nya mega begunaka pengelentur (flexibility) ti
Ulih
jangka dalam GENTERAN jaku. (transparent symbol). Ambika
banding;
|
SEPIL ENGLISH – SEPIL IBAN PEGARI IBAN PRODUCTION |
|
|
SEPIL ENGLISH |
SEPIL IBAN |
|
SEPIL ENGLISH |
SEPIL IBAN |
|
|
aerial
|
aerial, erial, arial |
|
express |
ekspress, seperis,
spris |
|
|
automatic |
automatik, otomatik,
automitik |
|
engine |
injin |
|
|
aeroplane |
aeroplan, eroplan,
eroplen |
|
engineer |
enjinia, injinia |
|
|
barbecue
|
barbekiu, babikiu |
|
free |
free, fri, pri |
|
|
bacteria |
bakteria |
|
free man |
periman |
|
|
boss |
boss, bos, bus |
|
grease |
geris, gris |
|
|
boarding |
buding |
|
glucose |
glukos, glukus |
|
|
bottle |
butul |
|
go astern |
gustan
|
|
|
book |
bup |
|
go ahead |
guhit, gurit
|
|
|
beer |
bia |
|
motor car
|
motorka, entuka, kerita |
|
|
bicycle |
basikal, ensikal |
|
motor |
mutu, moto, motor |
|
|
cent |
sen, sin |
|
pencil |
pinsil, pensil |
|
|
criteria |
kriteria |
|
pill |
pil |
|
|
class |
kelas, klas |
|
programme |
progrem, program,
pogrem |
|
|
carbon |
karbon, kabon
|
|
propeller
|
propila, pila |
|
|
clutch |
klas, kelas |
|
pub |
pub, pab |
|
|
current |
karan |
|
round |
raun |
|
|
dictionary |
diksyenari, diksenari,
diksionari |
|
speed |
sepit |
|
|
dialect |
dialek, dailek |
|
spelling |
sepiling, spiling |
|
|
dialog |
dialog, dailog |
|
spell
|
sepil, spil |
|
|
dynamo |
dinamo, gelimo, denimo |
|
speaking |
spiking |
|
|
electric |
elektrik, letrik,
entrik, enterik |
|
standard
|
setindit, stindit |
|
|
enggau mayuh agi ke bukai |
|