| Terima kasih
laban ngenataika diri ba laman web kami, siti ari laman web Iban
ti ditempa enggau jaku sereta sepil Iban ti setindit nitihka
atur sepil Iban ke dikena ba sekula lalu dikemendarka Dewan
Bahasa Dan Pustaka, Malaysia. Dipelabaka kediatu, semina tu mih
laman web ti pemadu angkun ke jaku Iban. Nadai ku enda pia,
laban kami endang siti ari kompeni ti niri
negi ke jaku, adat enggau main asal Iban, baikka nya nengah
laman web tauka nengah bup-bup ti dikeluarka kami sebuat.
Laman web tu digaga enggau naka
penyimat, ditempa enggau chara kediri awakka bala temuai enda
tesat. Kebuah pia, semua menasan jalai bisi ba sepiak kiba. Pama
kita ngait menasan jalai ba sepiak kiba nya, dia palan ke dituju
deka nyengenda ayan ba rambar sepiak kanan tu.
Nyadi kami ngarapka kita ke
nemuai anang enda madah enti mulaika diri. Tinggalka bekau jari
diri ba bup temuai kami lalu sukung, puji enggau bantah tetap
diambi kami nyadika tenggau diekena kami ba hari ke dudi. Ni ke
bingkuk kami nguji ngedang, ni ke keruh kami nguji mantis.
Terima kasih semua. Gayu guru
gerai nyamai. Idup Iban, idup Dayak! |
 |
