Peluang Gawa Enggau Kami

Kati nuan rindu gawa betemu enggau bala VIP Dayak sereta rindu bekelala enggau raban artis Dayak? Tu mih peluang nuan betemu mua, berandau enggau raban artis.

 

Gambar opis

 

 

 

Enti nuan siku orang ti rurus ati, ngembuan basa enggau penyiru, nemu gawa ngatika diri, rindu bejalai (trabeling) lalu ngasaika diri bisi penemu nulis dalam jaku Iban, nuan tau nguji minta gawa enggau kami. Orang ti deka diperundingka kami nya MESTI;

 

PENEMU, PENGELANDIK & PENDIAU

  • Indu tauka lelaki

  • Umur nadai diletak (udah pinchin pan tau)

  • Ikas pelajar nadai diletak

  • Nemu bejaku sereta ngarang dalam jaku Iban ke setindit/dalam

  • Nemu naip ngena komputer. (Enti bisi pengelandik ba software ADOBE PHOTOSHOP, ADOBE ILLUSTRATOR tauka CorelDraw, nya nambahka pemanah)

  • Meretika jaku English, ngalihka jaku English ngagai jaku Iban (laban sekeda artikel nya diambi ari jaku English)

  • Bisi 'transport' kediri empu tauka ulih ngenataika diri ngagai opis maya jam gawa.

GAJI

Gaji deka bepanggai ba penemu enggau pengelandik gawa. Keterubah gawa nya dalam timpuh uji pengelama 6 bulan lalu pengudah nya deka ditetapka.

Terubah masuk gawa ; RM650.00 - RM1600.00 sebulan lalu pengudah nya deka ditikika gaji ninting taun

 

INSENTIF /TRABELING

  • ELAUN INSENTIF - Bepanggai ba pengelikun gawa, pengereja pengawa deka diberi elaun volium. Reti nya, ninting volium majalah dikeluarka, pengereja pengawa deka nerima elaun insentif RM200.00

  • BONUS - Bonus deka diberi bepanggai ba pikir raban pengempu syarikat.

  • ELAUN TRABELING - Elaun trabeling deka diberi. Elaun pemakai RM50.00 sehari lalu utai bukai baka hotel, minyak kerita nya tau klaim ari syarikat
Nembiak IPTA ti deka praktikal ba kami

Siti ari pengawa kami nya nulung raban bansa Dayak ba pengawa sekula. Nya alai kami bisi nyediaka palan lalu nerima nembiak ari ni-ni universiti ti deka praktikal enggau kami. Taja pia, kus ke diambi nya mesti kus ke bisi bekait enggau pengawa kami. Nambahka nya, pemayuh nembiak ke praktikal ba siti-siti penggal nya bisi ikas. Nya alai, sapa dulu, iya mih bulih.

 

Nembiak ti praktikal enggau kami deka diberi elaun bulan sereta elaun trabeling enggau elaun makai mega.

 

Anjung peminta ngena emel ngagai pegari@pegari.com.my